ഷിക്കാഗോയിലെ ചരിത്രപ്പള്ളിയിൽ വെളിച്ചവും സംഗീതവുമായി ‘സെലസ്റ്റിയ’; നവംബർ 20ന് തുടക്കം

അനിൽ മറ്റത്തിക്കുന്നേൽ

ഷിക്കാഗോ: ലിങ്കൺ പാർക്കിലെ ചരിത്രപ്രസിദ്ധമായ സെന്റ് വിൻസെന്റ് ഡി പോൾ കത്തോലിക്കാ ദേവാലയത്തിൽ ‘സെലസ്റ്റിയ’ (CELESTIA) എന്ന വെളിച്ച–സംഗീതപ്രദർശനത്തിന് നവംബർ 20 വെള്ളിയാഴ്ച തുടക്കമാകും. 2027 ജനുവരി 31 വരെ തിരഞ്ഞെടുത്ത ദിവസങ്ങളിലാണ് പ്രദർശനം. ഇരിപ്പിടങ്ങളിൽനിന്ന് കാണാവുന്ന 45 മിനിറ്റ് പ്രദർശനത്തിൽ, 360 ഡിഗ്രി പ്രൊജക്ഷനിലൂടെ പള്ളിയുടെ ചുവരുകളിലും മേൽക്കൂരയിലും ദൃശ്യങ്ങൾ തെളിയും.

പ്രദർശനത്തിനായി പ്രത്യേകം ഒരുക്കിയ ഓർക്കസ്ട്ര സംഗീതത്തിന്റെഅകമ്പടിയോടെ, പള്ളിയുടെ വാസ്തുശിൽപം തന്നെ ദൃശ്യകഥയുടെ ഭാഗമാകും. വെള്ളി,ശനി ദിവസങ്ങളിലെ പ്രദർശനങ്ങളിൽ ഗായകസംഘം തത്സമയം പാടും. 1897ൽ സമർപ്പിക്കപ്പെട്ട ദേവാലയത്തിന്റെ ഇരട്ട ഗോപുരങ്ങളും വർണക്കണ്ണാടിജാലകങ്ങളും ലിങ്കൺ പാർക്കിലെ ശ്രദ്ധേയ കാഴ്ചകളാണ്. ഡിപോൾ സർവകലാശാലയുടെപ്രധാന ക്യാമ്പസിനോടു ചേർന്ന് 1010 W. Webster Ave., Chicago എന്നവിലാസത്തിലാണ് ദേവാലയം.

ഉദ്ഘാടനദിവസം രാത്രി 7.15നും 8.30നുമാണ് പ്രദർശനങ്ങൾ. പരസ്യപ്പെടുത്തിയ അടിസ്ഥാന ടിക്കറ്റ് നിരക്ക് 24 ഡോളറിൽ നിന്നാണ്. എന്നാൽ ഉദ്ഘാടന ദിവസത്തെ ലഭ്യമായ ടിക്കറ്റുകൾ സേവന ഫീസ് ഉൾപ്പെടെ 43.01 ഡോളർ മുതലാണ്. തീയതിയും ഇരിപ്പിട വിഭാഗവും അനുസരിച്ച് നിരക്ക് മാറും.

A light and music exhibition titled ‘CELESTIA’ will begin on Friday, November 20, at the historic St. Vincent de Paul Catholic Church in Lincoln Park.

More Stories from this section

family-dental
witywide