ന്യൂഡൽഹി: ദിവസങ്ങൾക്ക് മുൻപ് വൻ നാശനഷ്ടം വിതച്ച ‘അർണബ്’ ചുഴലിക്കാറ്റ് കടന്നുപോയതിന് തൊട്ടുപിന്നാലെ ഇതേ മേഖലയിൽ പുതിയ ചുഴലിക്കാറ്റ് ഭീഷണി. ബംഗാൾ ഉൾക്കടലിൽ തെക്കുകിഴക്കൻ മേഖലയിൽ രൂപപ്പെട്ട ന്യൂനമർദം അടുത്ത ഏതാനും മണിക്കൂറുകൾക്കുള്ളിൽ തീവ്രന്യൂനമർദമായി ശക്തിപ്രാപിക്കാൻ സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു.
നവംബർ ഒന്നിന് ആന്ധ്രാപ്രദേശിലെ തീരദേശ മേഖലകളിലും പുതുച്ചേരിയിലെ യാനാമിലും ചുഴലിക്കാറ്റിനുള്ള സാധ്യതയുണ്ട്. ഈ കാലാവസ്ഥാ വ്യതിയാനം പടിഞ്ഞാറ്-വടക്കുപടിഞ്ഞാറൻ ദിശയിൽ നീങ്ങി നവംബർ രണ്ട് വൈകുന്നേരത്തോടെ ആന്ധ്രാപ്രദേശ് തീരത്തിന് സമീപമുള്ള പടിഞ്ഞാറൻ മധ്യ ബംഗാൾ ഉൾക്കടലിൽ എത്തും.
നവംബർ രണ്ടിനും മൂന്നിനും ആന്ധ്രാപ്രദേശിലെ തീരദേശ മേഖലകളിലും പുതുച്ചേരിയിലെ യാനാമിലും ന്യൂനമർദത്തിൻ്റെ സ്വാധീനത്താൽ അതിതീവ്ര മഴയ്ക്ക് സാധ്യതയുണ്ടെന്ന് കാലാവസ്ഥാ വകുപ്പ് വ്യക്തമാക്കി. കൂടാതെ, ആന്ധ്രാപ്രദേശിലെ റായലസീമയിൽ നവംബർ രണ്ടിനും മൂന്നിനും, ഒഡീഷയിൽ നവംബർ മൂന്നിനും നാലിനും മഴ മുന്നറിയിപ്പ് നൽകിയിട്ടുണ്ട്.
After ‘Arnab’, the threat of another cyclone emerges; India Meteorological Department reports a low-pressure area in the Bay of Bengal.
