തിരുവനന്തപുരം: അനധികൃത സ്വത്ത് സമ്പാദന കേസിൽ ജയിലിലായിരുന്ന മുൻ ഡിജിപി ടോമിൻ ജെ. തച്ചങ്കരി ജയിൽ മോചിതനായി. കോട്ടയം വിജിലൻസ് കോടതി വിധിച്ച നാല് വർഷത്തെ തടവുശിക്ഷ കേരള ഹൈക്കോടതി മരവിപ്പിച്ചതിനെ തുടർന്നാണ് അദ്ദേഹം തിരുവനന്തപുരം പൂജപ്പുര സെൻട്രൽ ജയിലിൽ നിന്ന് പുറത്തിറങ്ങിയത്. ഹൈക്കോടതി സിംഗിൾ ബെഞ്ച് ഇടക്കാല ജാമ്യം അനുവദിച്ച ഉത്തരവ് ജയിൽ അധികൃതർക്ക് ലഭിച്ചതോടെ ഒക്ടോബർ 15-ന് രാത്രി എട്ടരയോടെയാണ് തച്ചങ്കരി ജയിൽ മോചിതനായത്.
വിജിലൻസ് കോടതി വിധിച്ച 30.84 ലക്ഷം രൂപ പിഴത്തുകയുടെ 75 ശതമാനം കോടതിയിൽ കെട്ടിവയ്ക്കണം, വിദേശത്തേക്ക് കടക്കരുത് തുടങ്ങിയ കർശന ഉപാധികളോടെയാണ് ജാമ്യം. 2003 മുതൽ 2007 വരെയുള്ള കാലയളവിൽ വരുമാനത്തേക്കാൾ കൂടുതൽ സ്വത്ത് സമ്പാദിച്ചെന്ന കേസിൽ കഴിഞ്ഞ സെപ്റ്റംബർ 17-നാണ് തച്ചങ്കരിയെ വിജിലൻസ് കോടതി ശിക്ഷിച്ചത്. തുടർന്ന് സെപ്റ്റംബർ 18 മുതൽ അദ്ദേഹം പൂജപ്പുര ജയിലിൽ കഠിനതടവിലായിരുന്നു. അപ്പീൽ ഹർജിയിൽ അന്തിമ തീർപ്പുണ്ടാകുന്നതുവരെയാണ് ഹൈക്കോടതി ശിക്ഷാ നടപടികൾ തടഞ്ഞിരിക്കുന്നത്.
Temporary relief for Thachankary; prison sentence stayed, former DGP to walk out of Poojappura Jail.
