തിരുവനന്തപുരം: കൊട്ടിയൂര് പന്നിയാമലയില് നിന്ന് മയക്കുവെടി വച്ച് പിടികൂടിയ കടുവ ചത്ത സംഭവത്തില് വനംവകുപ്പ് മന്ത്രി എ.കെ ശശീന്ദ്രന് അന്വേഷണത്തിന് ഉത്തരവിട്ടു. ചീഫ് വൈല്ഡ് ലൈഫ് വാര്ഡന് ഡി ജയപ്രസാദിനാണ് അന്വേഷണത്തിന്റെ ചുമതല.
കണ്ണൂരില് നിന്ന് കടുവയെ തൃശൂര് മൃഗശാലയില് എത്തിക്കാനായിരുന്നു വനംവകുപ്പ് ഉദ്യോഗസ്ഥര് ശ്രമം നടത്തിയിരുന്നത്. ഇതിനിടെ കോഴിക്കോട് എത്തിയപ്പോഴേക്കും കടുവയ്ക്ക് ജീവന് നഷ്ടപ്പെടുകയായിരുന്നു. കടുവയ്ക്ക് മറ്റ് ആരോഗ്യപ്രശ്നങ്ങളില്ലെന്നായിരുന്നു വനംവകുപ്പ് ഉദ്യോഗസ്ഥരുടെ വിലയിരുത്തല്. എന്നിട്ടും കടുവ എന്തുകൊണ്ട് കോഴിക്കോട് എത്തിയപ്പോഴേക്കും ചത്തു എന്നതിലാണ് വിശദമായി അന്വേഷണം നടത്തുക. ഹൃദയാഘാതം ഉണ്ടായോ എന്നതിലടക്കം പരിശോധന നടക്കും. അതേസമയം,
കടുവയുടെ പോസ്റ്റ്മോര്ട്ടത്തിനെക്കുറിച്ച് ഉള്പ്പെടെ അന്തിമ തീരുമാനമായിട്ടില്ല.
തൃശൂരേക്കുള്ള യാത്രാ മധ്യേ കടുവ ചത്ത വിവരം വനംവകുപ്പ് മന്ത്രിയെ അറിയിക്കുന്നതിലുള്പ്പെടെ വീഴ്ചയുണ്ടായെന്നാണ് റിപ്പോര്ട്ട്.
