ന്യൂയോർക്ക് ഗവർണർ കാത്തി ഹോച്ചുളിൻ്റെ മുൻ ഡെപ്യൂട്ടി ചീഫ് ഓഫ് സ്റ്റാഫ് ലിൻഡ സൺ(41) ചൈനീസ് സർക്കാരിൻ്റെ ഏജെൻ്റായി പ്രവർത്തിച്ചെന്ന് ഗുരുതര ആരോപണം. അവർക്കെതിരെ കുറ്റം ചുമത്തി. അവരുടെ ഭർത്താവ് ക്രിസ്റ്റഫർ ഹൂവും കൂട്ടുപ്രതിയാണ്. ചൊവ്വാഴ്ച ബ്രൂക്ലിൻ ഫെഡറൽ കോടതിയിൽ ദമ്പതികൾ തങ്ങൾക്കെതിരായ കുറ്റങ്ങളിൽ കുറ്റസമ്മതം നടത്തി.
കുറ്റപത്രത്തിൽ, ചൈനയുടെ നിർദേശങ്ങൾ അനുസരിച്ച് പ്രവർത്തിച്ചതിന് ഇവർക്ക് ദശലക്ഷക്കണക്കിന് ഡോളർ കിക്ക്ബാക്ക് കിട്ടിയെന്ന് ആരോപിക്കുന്നു. തങ്ങളുടെ അനധികൃത സമ്പാദ്യം റിയൽ എസ്റ്റേറ്റ്, ആഡംബര വാഹനങ്ങൾ തുടങ്ങിയവ വാങ്ങാൻ ഇരുവരും ഉപയോഗിച്ചതായി പ്രോസിക്യൂട്ടർമാർ പറയുന്നു. പണം കൂടാതെ മറ്റ് നിരവധി ആനുകൂല്യങ്ങളും ഉപ്പിലിട്ട താറാവു കൊണ്ടുള്ള വിശിഷ്ട വിഭവം അടക്കം നിരവധി സമ്മാനങ്ങളും ചൈന ഇവർക്ക് നൽകിയിട്ടുണ്ടെന്നും പറയുന്നു.
ഫോറിൻ ഏജൻ്റ്സ് റജിസ്ട്രേഷൻ ആക്ട് ലംഘിച്ചു, വീസ തട്ടിപ്പ് നടത്തി, നാല് അനധികൃത കുടിയേറ്റക്കാരെ കൊണ്ടുവന്നു, കള്ളപ്പണം വെളുപ്പിക്കൽ, ഗൂഢാലോചന തുടങ്ങിയ കുറ്റങ്ങളാണ് ഇവർ നേരിടുന്നത്.. 2021-ൽ ഗവർണറായി സ്ഥാനമേറ്റ എം.എസ്. ഹോച്ചുളിൻ്റെ ഓഫിസ് “ദുർനടപടിയുടെ തെളിവുകൾ” കണ്ടെത്തിയതിനെ തുടർന്ന് ഏകദേശം രണ്ട് വർഷം മുമ്പ് തന്നെ ലിൻഡ സണ്ണിനെ പുറത്താക്കിയിരുന്നു.
ന്യൂയോർക്ക് അധികൃതരുമായി സംസാരിക്കുന്നതിൽ നിന്ന് തായ്വാൻ ഗവൺമെൻ്റിൻ്റെ പ്രതിനിധികളെ അവർ തടഞ്ഞു, ചൈനീസ് ഉദ്യോഗസ്ഥർക്ക് യുഎസിലേക്ക് അനധികൃത ക്ഷണക്കത്ത് നൽകി, ചൈനയെക്കുറിച്ചുള്ള സന്ദേശമയയ്ക്കൽ ഏകപക്ഷീയമായി മാറ്റി, കൂടാതെ ഒരു ചൈനീസ് ഉദ്യോഗസ്ഥനെ ഒരു സ്വകാര്യ യുഎസ് സ്റ്റേറ്റ് ഗവൺമെൻ്റ് കോൺഫറൻസ് കോളിൽ ചേർത്തു.
ലിൻഡ സൺ തൻ്റെ സ്ഥാനം ദുരുപയോഗിച്ച് ചൈനീസ് അജൻഡ രഹസ്യമായി പ്രചരിപ്പിച്ചു. നമ്മുടെ രാജ്യത്തിൻ്റെ ദേശീയ സുരക്ഷയ്ക്ക് നേരിട്ട് ഭീഷണിയായി മാറി”.എഫ്ബിഐയുടെ ആക്ടിംഗ് അസിസ്റ്റൻ്റ് ഡയറക്ടർ ക്രിസ്റ്റി കർട്ടിസ് പറഞ്ഞു.
പ്രത്യുപകാരമായി, ഇവർ ദശലക്ഷക്കണക്കിന് ഡോളർ പ്രതിഫലം വാങ്ങി. അവർക്ക് ഷോ ടിക്കറ്റുകളും യാത്രാ ആനുകൂല്യങ്ങളും ഭക്ഷണവും നൽകി, കുറ്റപത്രം അനുസരിച്ച്, ഒരു ചൈനീസ് സർക്കാർ പ്രതിനിധിയുടെ സ്വകാര്യ ഷെഫ് തയ്യാറാക്കിയ നാൻജിംഗ് ശൈലിയിലുള്ള ഭക്ഷണം ലിൻഡയുടെ മാതാപിതാക്കളുടെ വീട്ടിൽ എത്തിച്ചു. ഫെരാരി ഉൾപ്പെടെയുള്ള ആഡംബര കാറുകളും ഹവായ്, ന്യൂയോർക്ക് എന്നിവിടങ്ങളിൽ വസ്തുക്കളും വാങ്ങാൻ ദമ്പതികൾ വലിയ തുക കൈപ്പറ്റിയതായി കുറ്റപത്രത്തിൽ പറയുന്നു.
“അവിഹിതമായ പണം വഴി പ്രതിയുടെ കുടുംബത്തിന് ദശലക്ഷക്കണക്കിന് ഡോളർ ലഭിച്ചു,” യുഎസ് അറ്റോർണി ബ്രിയോൺ പീസ് പറഞ്ഞു.
സീഫുഡ് കയറ്റുമതി, വൈൻ സ്റ്റോർ, ഫിനാൻഷ്യൽ കൺസൾട്ടൻസി തുടങ്ങി ന്യൂയോർക്കിൽ ഇവർ നിരവധി ബിസിനസുകൾ നടത്തിയിരുന്നതായും ചൈനീസ് ഗവൺമെൻ്റിൻ്റെ അംഗീകൃത ചരക്ക് ഏജൻ്റിൻ്റെ സേവനങ്ങളെ പതിവായി ആശ്രയിച്ചിരുന്നതായും കുറ്റപത്രത്തിൽ പറയുന്നു.
New York governor’s ex Linda Sun charged as Chinese agent
