കൊച്ചി: മാധ്യമപ്രവര്ത്തകയെ അപമാനിച്ച കേസില് നടനും മുന് എം.പിയുമായ സുരേഷ് ഗോപി നല്കിയ മുന്കൂര് ജാമ്യ ഹര്ജി ഹൈക്കോടതി ഇന്ന് പരിഗണിക്കും. ചോദ്യം ചെയ്യലിന് പിന്നാലെ ഗുരുതര വകുപ്പ് ചേര്ത്ത് എഫ്.ഐ.ആര് പരിഷ്കരിച്ചതോടെയാണ് സുരേഷ് ഗോപി മുന്കൂര് ജാമ്യാപേക്ഷയുമായി ഹൈക്കോടതിയെ സമീപിച്ചത്. ഹര്ജിയില് സര്ക്കാറിനോട് ഇന്ന് നിലപാടറിയിക്കാന് നിര്ദ്ദേശിച്ചിട്ടുണ്ട്.
കരുവന്നൂര് വിഷയത്തില് സര്ക്കാറിനെതിരെ ജാഥ നയിച്ചതിനോടുള്ള രാഷ്ട്രീയ വൈരാഗ്യമാണ് കേസിന് കാരണമെന്നാണ് മുന്കൂര് ജാമ്യാപേക്ഷയില് സുരേഷ് ഗോപി ആരോപിക്കുന്നത്. പരിപാടി കഴിഞ്ഞ് മടങ്ങുന്നതിനിടെ വഴി തടഞ്ഞ മാധ്യമ പ്രവര്ത്തകയെ മാറ്റുക മാത്രമാണ് ചെയ്തതെന്നും മോശമായി പെരുമാറിയിട്ടില്ലെന്നും ഹര്ജിയില് പറയുന്നു. കേസില് കോഴിക്കോട് നടക്കാവ് പൊലീസാണ് കുറ്റപത്രം സമര്പ്പിച്ചിട്ടുള്ളത്.
Tags:
