സര്ക്കാരിനും ഗവര്ണര്ക്കും അന്ത്യശാസനവുമായി സുപ്രീംകോടതി. ഡിജിറ്റല്, സാങ്കേതിക സര്വകലാശാലകളിലെ വിസി നിയമനത്തില് ഇരു കൂട്ടര്ക്കും സമവായത്തിലെത്താന് കഴിയുന്നില്ലെങ്കില് തങ്ങള് നിയമനം നടത്തുമെന്ന് സുപ്രീം കോടതി മുന്നറിയിപ്പ് നല്കി. അതേസമയം, പട്ടികയില് ഇല്ലാത്ത വ്യക്തിയെ നിയമിക്കാനുള്ള ഗവര്ണര് നീക്കാം സുപ്രീം കോടതി നിര്ദ്ദേശത്തിന്റെ ലംഘനമാണെന്ന് മുഖ്യമന്ത്രി വിമര്ശിച്ചു.
എന്നാൽ, ഡിജിറ്റല് സാങ്കേതിക സര്വകലാശാലകളില് സര്ക്കാര് നല്കിയ മുന്ഗണന പട്ടികയില് നിന്ന് നിയമനം നടത്താന് ആകില്ലെന്നാണ് ഗവര്ണര് സുപ്രീംകോടതി അറിയിച്ചത്. സാങ്കേതിക സര്വകലാശാലയില് സിസ തോമസിനെ വിസിയായി നിയമനം നല്കുമെന്നും ഗവര്ണര് സുപ്രീംകോടതി അറിയിച്ചു. എന്നാല് ഇതിനെതിരെയും സര്ക്കാർ കോടതിയെ സമീപിച്ചു.
കെടിയു മിനിറ്റ്സ് രേഖകള് മോഷണം പോയ കേസില് സിസ തോമസ് പ്രതിയാണെന്നും, നിയമനം തടയണമെന്നുമാണ് സര്ക്കാര് നിലപാട്. തര്ക്കം രൂക്ഷമായതോടെയാണ് സുപ്രീംകോടതി അന്ത്യശാസനം നല്കിയത്. യോഗ്യത ഉള്ളവരെയാണ് നിയമിക്കേണ്ടത് എന്നും ജസ്റ്റിസ് ജെ ബി പര്ദ്ദിവാല മുന്നറിയിപ്പ് നല്കി. ഗവര്ണറുടെ നിലപാടിനെതിരെ ഉന്നത വിദ്യാഭ്യാസ മന്ത്രിയും രംഗത്തെത്തി. സുപ്രീംകോടതി കേസ് വ്യാഴാഴ്ച വീണ്ടും പരിഗണിക്കും.
Supreme Court issues ultimatum; If both parties cannot reach consensus on VC appointment, they will make the appointment
