ന്യൂഡൽഹി: ഡൽഹി ജന്തർ മന്തറിലെ സമരവേദിയിൽ ഇന്ന് പുലർച്ചെയോടെ നാടകീയ രംഗങ്ങളും സംഘർഷവും. നീറ്റ് പരീക്ഷാ ക്രമക്കേടുകൾക്കെതിരെ 21 ദിവസമായി അനിശ്ചിതകാല നിരാഹാര സമരം അനുഷ്ഠിച്ചു വരികയായിരുന്ന പ്രമുഖ ആക്ടിവിസ്റ്റ് സോനം വാങ്ചുക്കിനെ ഡൽഹി പൊലീസ് ബലംപ്രയോഗിച്ച് അറസ്റ്റ് ചെയ്ത് ആശുപത്രിയിലേക്ക് മാറ്റി. പുലർച്ചെയോടെ സിവിൽ വേഷത്തിലെത്തിയ പൊലീസ് സംഘമാണ് ഇദ്ദേഹത്തെ സഫ്തർജങ് ആശുപത്രിയിലേക്ക് മാറ്റിയത്.
തുടർന്ന് സമരവേദിയിൽ കോക്രാച്ച് ജനത പാർട്ടി (സി.ജെ.പി) പ്രവർത്തകരും പൊലീസും തമ്മിൽ ശക്തമായ ഏറ്റുമുട്ടലുണ്ടായി. സി.ജെ.പി സ്ഥാപകൻ അഭിജീത് ദിപ്കെ അടക്കമുള്ള നിരവധി പ്രമുഖ നേതാക്കളെ പൊലീസ് കരുതൽ തടങ്കലിലാക്കിയിട്ടുണ്ട്. സംഘർഷ സാധ്യത കണക്കിലെടുത്ത് ജന്തർ മന്തറിലേക്കുള്ള എല്ലാ പ്രവേശന കവാടങ്ങളും ഡൽഹി പൊലീസ് പൂർണ്ണമായി അടച്ചു. നാളെ സി.ജെ.പി പാർലമെന്റിലേക്ക് വൻ പ്രതിഷേധ മാർച്ച് പ്രഖ്യാപിച്ചിരുന്ന പശ്ചാത്തലത്തിലാണ് പൊലീസിന്റെ ഈ അടിയന്തര നീക്കം.
Clashes at Jantar Mantar: Sonam Wangchuk shifted to hospital in the morning; CJP founder Abhijeet Dipke and other leaders in preventive detention
