കൊച്ചി: പ്രതിപക്ഷ നേതാവ് പിണറായി വിജയനെതിരെ സിഎംആര്എല്- എക്സാലോജിക് ഇടപാട് കേസില് നിര്ണായക നീക്കവുമായി എന്ഫോഴ്സ്മെന്റ് ഡയറക്ട്രേറ്റ്. പിണറായി വിജയൻ, മുന് മന്ത്രി മുഹമ്മദ് റിയാസ്, എക്സാലോജിക് എം ഡി വീണ ടി എന്നിവർക്കെതിരെ അഴിമതി നിരോധന നിയമപ്രകാരം കേസ് എടുക്കണമെന്നാവശ്യപ്പെട്ട് ഇ ഡി ഡിജിപിക്ക് കത്തയച്ചു.
കണ്ടെത്തലുകൾ ഇഡി ഡിജിപിക്ക് കെെമാറി. സെക്ഷന് 66/2 പ്രകാരമാണ് ഇ ഡി ഡിജിപിക്ക് കത്തയച്ചിരിക്കുന്നത്. കേസില് വീണ ടിക്കെതിരെ അതീവ ഗുരുതരമായ കണ്ടെത്തലുകള് ഉണ്ടെന്ന് എന്ഫോഴ്സ്മെന്റ് ഡയറക്റേറ്റ് വാര്ത്താക്കുറിപ്പിലൂടെ അറിയിച്ചിരുന്നു. വീണ വിദേശത്തേക്ക് പണം അയച്ചതിന്റെ തെളിവുകള് ലഭിച്ചതായാണ് ഇ ഡി പുറത്തിറക്കിയ ഔദ്യോഗിക വാര്ത്താക്കുറിപ്പില് വ്യക്തമാക്കിയത്.
എന്നാല് വാര്ത്താക്കുറിപ്പ് ഇറക്കിയ ഇ ഡി നീക്കം അസാധാരണമെന്നായിരുന്നു പിണറായി വിജയന് പ്രതികരിച്ചത്. പിണറായി വിജയനിലേക്കും പി എ മുഹമ്മദ് റിയാസിലേക്കും മറ്റു ഡിവൈഎഫ്ഐ പ്രവര്ത്തകരിലേക്കും കേസ് അന്വേഷണം എത്തിയ ഘട്ടത്തില് ശക്തമായ പ്രതിരോധം സിപിഐഎം തീര്ത്തിരുന്നു. ഇഡി പുകമറ സൃഷ്ടിക്കുന്നുവെന്നായിരുന്നു സിപിഐഎം സംസ്ഥാന സെക്രട്ടറി പറഞ്ഞത്.
CMRL-Exalogic case: ED alleges ₹3.28 crore bribe; demand raised to register cases against Pinarayi, Riyas, and Veena.
