കേരളത്തിന്റെ മുഖ്യമന്ത്രിയെ നിശ്ചയിക്കുന്നതിനായുള്ള അനിശ്ചിതത്വം ഒമ്പതാം ദിവസത്തിലേക്ക് കടക്കുമ്പോൾ, ബുധനാഴ്ച ഡൽഹിയിൽ അവസാനവട്ട ചർച്ചകൾ നടക്കും. മല്ലികാർജുൻ ഖാർഗെയും രാഹുൽ ഗാന്ധിയും നടത്തുന്ന കൂടിക്കാഴ്ചയ്ക്ക് ശേഷം സോണിയ ഗാന്ധിയുടെ കൂടി അഭിപ്രായം തേടിയാകും ഔദ്യോഗിക പ്രഖ്യാപനം. കെ.സി. വേണുഗോപാൽ, വി.ഡി. സതീശൻ, രമേശ് ചെന്നിത്തല എന്നിവർക്കായി അണികൾ നടത്തുന്ന ചേരിതിരിഞ്ഞുള്ള പ്രകടനങ്ങളിൽ രാഹുൽ ഗാന്ധി കടുത്ത അതൃപ്തി രേഖപ്പെടുത്തിയിട്ടുണ്ട്.
പത്ത് ജൻപഥിൽ ഇന്ന് നടന്ന കൂടിക്കാഴ്ചയിൽ കെ. സുധാകരൻ, തിരുവഞ്ചൂർ രാധാകൃഷ്ണൻ, ഷാഫി പറമ്പിൽ തുടങ്ങി കേരളത്തിലെ മുതിർന്ന നേതാക്കളിൽ നിന്ന് രാഹുൽ ഗാന്ധി നേരിട്ട് അഭിപ്രായം തേടി. എംഎൽഎമാരുടെ പിന്തുണയ്ക്കൊപ്പം സംസ്ഥാനത്തെ പൊതുജന വികാരവും കണക്കിലെടുക്കണമെന്ന് നേതാക്കൾ ആവശ്യപ്പെട്ടിട്ടുണ്ട്. ആസൂത്രിതമായ ശക്തിപ്രകടനങ്ങൾക്ക് പിന്നിൽ ആരാണെന്നും എംഎൽഎമാരെ സ്വാധീനിക്കാൻ ശ്രമം നടന്നോ എന്നും രാഹുൽ പ്രത്യേകം അന്വേഷിച്ചു. തർക്കം പരിഹരിക്കാൻ മൂന്നാമതൊരാൾ വരുമോ അതോ നിലവിലെ പേരുകളിൽ ഒരാളെ നിശ്ചയിക്കുമോ എന്ന ആകാംക്ഷയിലാണ് കേരളം.
Decision Expected Wednesday as Rahul Gandhi Concludes Final Talks on Kerala CM Selection
