ബാങ്കോക്ക്: സൗന്ദര്യമത്സര വേദിയിൽ വെച്ച് അപ്രതീക്ഷിതമായി പല്ലുകൾ കൊഴിഞ്ഞു വീണിട്ടും പതറാതെ പ്രകടനം പൂർത്തിയാക്കിയ മിസ് ഗ്രാൻഡ് തായ്ലൻഡ് മത്സരാർത്ഥി കമോൾവാൻ ചനാഗോ സോഷ്യൽ മീഡിയയിൽ കയ്യടി നേടുന്നു. മിസ് ഗ്രാൻഡ് പതും താനി എന്ന ടൈറ്റിലിനായി മത്സരിക്കുകയായിരുന്നു താരം.
മത്സരത്തിന്റെ പ്രിലിമിനറി റൗണ്ടിൽ വേദിയിൽ സ്വയം പരിചയപ്പെടുത്തുന്നതിനിടെയാണ് നാടകീയ സംഭവങ്ങൾ അരങ്ങേറിയത്. സംസാരിച്ചു തുടങ്ങുന്നതിനിടെ താരത്തിൻ്റെ മുൻനിരയിലെ കൃത്രിമ പല്ലുകൾ (വെനീർ) ഇളകി താഴേക്ക് വീഴുകയായിരുന്നു. യഥാർത്ഥ പല്ലുകൾക്ക് മുകളിൽ വെച്ചുപിടിപ്പിക്കുന്ന നേർത്ത കൃത്രിമ കവചങ്ങളാണ് വെനീറുകൾ. എന്നാൽ ഒരു നിമിഷം പോലും പതറാതെ, താരം ഉടൻ തന്നെ ഇവ എടുത്ത് തിരികെ വെക്കുകയും ആത്മവിശ്വാസത്തോടെ തൻ്റെ പ്രസംഗം തുടരുകയും ചെയ്തു.
മുഖത്ത് പുഞ്ചിരി വിടർത്താൻ ശ്രമിച്ചുകൊണ്ട് വളരെ പെട്ടെന്ന് സാഹചര്യം കൈകാര്യം ചെയ്ത താരത്തിൻ്റെ പ്രൊഫഷണലിസത്തെ വിധികർത്താക്കളും കാണികളും അഭിനന്ദിച്ചു. സംഭവത്തിൻ്റെ വീഡിയോ നിമിഷങ്ങൾക്കകമാണ് സോഷ്യൽ മീഡിയയിൽ വൈറലായത്. പരാജയഭീതിയോ നാണക്കേടോ ഇല്ലാതെ ആ സാഹചര്യം നേരിട്ട ചനാഗോയുടെ മനോധൈര്യത്തെ പ്രകീർത്തിച്ച് നിരവധി പേരാണ് രംഗത്തെത്തുന്നത്.
Miss Grand Thailand contestant loses teeth on stage during beauty pageant, video goes viral!
