![](https://www.nrireporter.com/wp-content/uploads/2023/08/west-chester.jpg)
ന്യൂയോർക്ക്: വെസ്റ്റ് ചെസ്റ്റര് മലയാളി അസോസിയേഷന്റെ ഈ വർഷത്തെ ഓണഘോഷം സെപ്റ്റംബർ ഒൻപതിന് 11 മണിമുതല് ആറ് മണിവരെ ഗ്രീൻബർഗ് ഹൈസ്കൂൾ ഓഡിറ്റോറിയത്തിൽ വെച്ച് നടക്കും. പ്രവേശന പാസ് ആവശ്യമില്ലെന്ന് സംഘാടകർ അറിയിച്ചു. ന്യൂയോർക്കിലെ പ്രസിദ്ധമായ റെസ്റ്റോറന്റുകളെയാണ് ഓണ സദ്യക്ക് വേണ്ടി ചുമതലപെടുത്തിയിരിക്കുന്നത്.
അമ്പതു പേർ പങ്കെടുക്കുന്ന ശിങ്കാരിമേളം ഈ വർഷത്തെ ഓണഘോഷത്തിന്റെ ഒരു പ്രത്യേകതയാണ്. അതുപോലെതന്നെ മെഗാ തിരുവാതിരയും ഉണ്ടാകും. ചെണ്ടമേളവും, താലപ്പൊലിയുമായി മാവേലിയെ വരവേല്ക്കുന്നതോടെ തുടങ്ങുന്ന പരിപാടികളില് അത്തപ്പൂക്കളവും, തിരുവാതിരകളിയും, പുലിക്കളിയും തുടങ്ങിയ പരിപാടികളോടെ ഈവർഷത്തെ ആഘോഷങ്ങൾ ചിട്ടപ്പെടുത്തിയിട്ടൂള്ളത്.
![](https://www.nrireporter.com/wp-content/uploads/2023/08/image-51.png)
ഓണഘോഷം വിജയപ്രദമാക്കുവാന് ന്യൂയോർക്ക് നിവാസികളായ എല്ലാ മലയാളി സഹോദരങ്ങളുടെയും ക്ഷണിക്കുന്നതായി പ്രസിഡന്റ് ടെറന്സണ് തോമസ്, സെക്രട്ടറി ഷോളി കുമ്പളവേലിൽ , ട്രഷറര് അലക്സാണ്ടർ വർഗീസ് , വൈസ് പ്രസിഡന്റ് ആന്റോ വർക്കി,ജോയിന്റ് സെക്രട്ടറി കെ .ജി . ജനാർദ്ധനൻ , ട്രസ്റ്റി ബോര്ഡ് ജോൺ കെ മാത്യു , കോർഡിനേറ്റർ ജോയി ഇട്ടൻ, കൾച്ചറൽ കോർഡിനേറ്റർ നിരീഷ് ഉമ്മൻ എന്നിവര് അറിയിച്ചു.