തൃശൂർ: ചേലക്കരയിൽ രമ്യ ഹരിദാസിനെ പിൻവലിക്കില്ലെന്ന് വ്യക്തമാക്കി യുഡിഎഫ്. പി വി അൻവറുമായി കോണ്ഗ്രസ് നടത്തിയ ചര്ച്ചയിലാണ് രമ്യ ഹരിദാസിനെ പിന്വലിക്കാന് ആവശ്യപ്പെട്ടത്. എന്നാൽ സ്ഥാനാര്ഥികളെ പിന്വലിച്ച് സമവായ ചര്ച്ച വേണ്ട എന്നാണ് യുഡിഎഫ് തീരുമാനം.
പാലക്കാടും ചേലക്കരയിലും പ്രഖ്യാപിച്ച സ്ഥാനാര്ഥികള് തന്നെ മത്സരിക്കും. അന്വറുമായി അനുനയ നീക്കങ്ങള് തുടരുകയും ചെയ്യുമെന്നും യുഡിഎഫ് നേതൃത്വം വ്യക്തമാക്കി. ചേലക്കരയില് രമ്യ ഹരിദാസിനെ പിന്വലിച്ചാൽ പാലക്കാട് കോൺഗ്രസിനെ പിന്തുണയ്ക്കാം എന്നാണ് അന്വര് മുന്നോട്ടുവെച്ച സമവായ ഫോര്മുല. എന്.കെ സുധീറിനെ പിന്തുണയ്ക്കണമെന്നും അന്വര് ആവശ്യമുന്നയിച്ചു. എന്നാല് അതില് ചര്ച്ചകളില്ലെന്നാണ് യുഡിഎഫ് ഇപ്പോള് വ്യക്തമാക്കുന്നത്.
