കാപ്പ കേസിൽ ജയിലിലായ ബി.ജെ.പി. കൗൺസിലർ സുഗതന് രണ്ട് കേസുകളിൽ ജാമ്യം, പക്ഷേ പുറത്തിറങ്ങാനാകില്ല

തിരുവനന്തപുരത്തെ ബി.ജെ.പി. കൗൺസിലർ ഡി. സുഗതന് രണ്ട് കേസുകളിൽ കോടതി ജാമ്യം അനുവദിച്ചു. ഉത്സവത്തിനിടെ യുവാവിനെ ആക്രമിച്ച കേസ്, പോലീസിനെ ആക്രമിച്ച കേസ് എന്നിവയിലാണ് നെടുമങ്ങാട് സെക്കൻഡ് ക്ലാസ് മജിസ്ട്രേറ്റ് കോടതി ജാമ്യം നൽകിയത്. വട്ടിയൂർക്കാവ് പോലീസ് സ്റ്റേഷനിലാണ് ഈ കേസുകൾ രജിസ്റ്റർ ചെയ്തിരുന്നത്.

എന്നാൽ, ജാമ്യം ലഭിച്ചെങ്കിലും ഡി. സുഗതന് നിലവിൽ ജയിലിൽ നിന്ന് പുറത്തിറങ്ങാൻ സാധിക്കില്ല. കാപ്പ (KAAPA) ചുമത്തിയതിനെ തുടർന്ന് റിമാൻഡിൽ കഴിയുന്നതിനാലാണ് ജാമ്യം ലഭിച്ചിട്ടും ഇയാൾക്ക് പുറത്തിറങ്ങാൻ കഴിയാത്തത്.

BJP Councillor D Sugathan Granted Bail in Two Cases, to Remain in Jail Due to KAAPA