സംസ്ഥാനത്തിന് പിഎം ശ്രീ പദ്ധതിയുമായി മുന്നോട്ടുപോകാമെന്നും ഇതിനായി വിദ്യാഭ്യാസ നയം മാറ്റേണ്ടി വരില്ലെന്നും പൊതുവിദ്യാഭ്യാസ ഡയറക്ടറുടെ റിപ്പോര്ട്ട്. കേന്ദ്ര സർക്കാരിൻ്റെ എസ്എസ്കെ ഫണ്ട് സംസ്ഥാനത്തിന് അനിവാര്യമെന്നും പദ്ധതിയുമായി മുന്നോട്ട് പോയില്ലെങ്കില് ഈ ഫണ്ടുകള് ലഭ്യമാകില്ലെന്നും പൊതുവിദ്യാഭ്യാസ ഡയറക്ടറുടെ റിപ്പോര്ട്ടിൽ പറയുന്നു. പൊതു വിദ്യാഭ്യാസ ഡയറക്ടര് നല്കിയ റിപ്പോര്ട്ടില് അന്തിമ തീരുമാനമെടുക്കുന്നത് സംസ്ഥാന സര്ക്കാരാണ്.
അതേസമയം, രണ്ടാം പിണറായി സര്ക്കാര് പിഎം ശ്രീയുമായി മുന്നോട്ടുപോകാന് ആദ്യ ഘട്ടത്തില് ശ്രമം നടത്തിയെങ്കിലും മുന്നണിയില് നിന്ന് ഉള്പ്പെടെ വന്ന എതിര്പ്പുകള് അന്നത്തെ വിദ്യാഭ്യാസ വകുപ്പിനെ വന് പ്രതിരോധത്തിലാക്കുകയും അവര് അതില് നിന്ന് പിന്നോട്ടുപോകുകയുമായിരുന്നു. വിദ്യാഭ്യാസനയം മാറ്റേണ്ടി വരുമെന്ന ആശങ്കകളായിരുന്നു അന്ന് പ്രധാനമായും ചര്ച്ചയായിരുന്നത്. ഈ പശ്ചാത്തലത്തിലാണ് വിദ്യാഭ്യാസ നയം മാറ്റേണ്ടി വരില്ലെന്ന ഉറപ്പുമായി പൊതുവിദ്യാഭ്യാസ ഡയറക്ടറുടെ റിപ്പോര്ട്ട് പുതിയ വിദ്യാഭ്യാസമന്ത്രിക്ക് മുന്പാകെ എത്തിയിരിക്കുന്നത്. നിലവിലെ എസ്സിഇആര്ടി പുസ്തകം തന്നെ കുട്ടികളെ പഠിപ്പിച്ചാല് മതിയെന്നാണ് റിപ്പോര്ട്ടിലുള്ളത്.
Director of General Education says PM Shri scheme will go ahead; report says education policy will not have to be changed
