അമേരിക്കൻ പ്രസിഡന്റ് ഡോണൾഡ് ട്രംപിന്റെ മരുമകന് മൈക്കൽ ബൂലോസ് കേരളത്തിൽ. ആലപ്പുഴയില് എത്തിയ അദ്ദേഹം ഹൗസ് ബോട്ട് യാത്രയിലാണ്. ഇന്ന് വൈകുന്നേരം വരെ അദ്ദേഹം ആലപ്പുഴയിൽ ഉണ്ടാകും ശേഷം കൊച്ചിയിലേക്ക് തിരിക്കും. സുരക്ഷാ കാരണങ്ങളാൽ സന്ദർശനത്തിന്റെ കൂടുതൽ വിവരങ്ങൾ വ്യക്തമാക്കിയിട്ടില്ല. ഇന്ന് രാവിലെ ചാർട്ടേർഡ് വിമാനത്തിൽ ബംഗളൂരുവിൽ എത്തിയ മൈക്കൽ ബൂലോസ് അവിടെ നിന്ന് നെടുമ്പാശേരിയിൽ എത്തുകയും ശേഷം അവിടെ നിന്ന് ആലപ്പുഴയിൽ എത്തുകയുമായിരുന്നു.
വിനോദയാത്രയുടെ ഭാഗമായാണ് സന്ദർശനം. അദ്ദേഹത്തിനൊപ്പം 8 അംഗസംഘം ഉണ്ട്. എംബസിയിലെ ഉന്നത ഉദ്യോഗസ്ഥർ ഉൾപ്പെടയുള്ളവർ അദ്ദേഹത്തിനൊപ്പമുണ്ട്. വള്ളംകളി കാണാൻ താല്പര്യം പ്രകടിപ്പിച്ച ട്രംപിൻ്റെ മരുമകൻ രണ്ട് ചുണ്ടന് വള്ളങ്ങളുടെ ട്രയലും കണ്ടാകും കൊച്ചിക്ക് തിരിക്കുക. പുന്നമട കായലിൽ വള്ളം കളി ട്രയൽ വീക്ഷിക്കുകയാണ് മൈക്കിൾ ബൂലോസ്. നിരണം ചുണ്ടന്റെയും പിബിസിയുടെയും ട്രയൽ ആണ് നടക്കുന്നത്. സ്പൈസ് റൂട്ട് എന്ന ഹൗസ് ബോട്ടിലാണ് അദ്ദേഹം സഞ്ചരിക്കുന്നത്.
അതേസമയം, ട്രംപിൻ്റെ മരുമകനായ മൈക്കൽ ബൂലോസ് ഒരു അമേരിക്കൻ ബിസിനസ് എക്സിക്യൂട്ടീവാണ്. ടിഫാനി ട്രംപുമായുള്ള വിവാഹത്തിലൂടെ അമേരിക്കയുടെ പ്രസിഡന്റായ ഡൊണാൾഡ് ട്രംപിന്റെ മരുമകനാണ് അദ്ദേഹം . അമേരിക്കൻ വ്യവസായിയും നയതന്ത്രജ്ഞനുമായ മസാദ് ബൗലോസാണ് അദ്ദേഹത്തിന്റെ പിതാവ്.
Michael Boulos, son-in-law of US President Donald Trump, is in Kerala. He has arrived in Alappuzha and is currently on a houseboat trip.
