തിരുവനന്തപുരം: ആലപ്പുഴയിലെ വിവാദ രക്ഷാപ്രവർത്തന കേസ് അട്ടിമറിയിൽ എ.ഡി.ജി.പി എം.ആർ. അജിത് കുമാറിന് ശക്തമായ തിരിച്ചടിയായത് ഡിജിറ്റൽ തെളിവുകൾ. കേസ് റഫർ ചെയ്യാൻ അന്വേഷണ സംഘത്തിന് നൽകിയ നിർദേശങ്ങളും സന്ദേശങ്ങളുമാണ് പ്രധാന തെളിവായി മാറിയത്. കേസ് റഫർ ചെയ്യാൻ അന്നത്തെ മുഖ്യമന്ത്രിയുടെ ഓഫീസ് ആവശ്യപ്പെട്ടതായാണ് സന്ദേശങ്ങളിൽ സൂചിപ്പിച്ചിരുന്നത്. കൂടാതെ, കേസ് റഫർ ചെയ്യാൻ അജിത് കുമാർ നിരന്തരം സമ്മർദ്ദം ചെലുത്തിയതായി അന്വേഷണ ഉദ്യോഗസ്ഥർ മൊഴി നൽകിയതും ഇയാൾക്ക് തിരിച്ചടിയായി.
കേസ് അട്ടിമറിക്കാൻ ശ്രമിച്ചതിൽ നേരിട്ട് ഇടപെടൽ വ്യക്തമായതോടെയാണ് അജിത് കുമാറിനെ സസ്പെൻഡ് ചെയ്തത്. ഡി.ജി.പിയുടെ റിപ്പോർട്ടിന്റെ അടിസ്ഥാനത്തിൽ മുഖ്യമന്ത്രിയുമായി കൂടിയാലോചിച്ച ശേഷം ആഭ്യന്തരമന്ത്രി രമേശ് ചെന്നിത്തല നടപടിക്ക് അനുമതി നൽകുകയായിരുന്നു. സസ്പെൻഷൻ വന്നതോടെ ഈ മാസം ലഭിക്കാനിരുന്ന ഡി.ജി.പി റാങ്കിലേക്കുള്ള എം.ആർ. അജിത് കുമാറിന്റെ സ്ഥാനക്കയറ്റവും തടയപ്പെട്ടു.
സംഭവത്തിൽ കൂടുതൽ ഉദ്യോഗസ്ഥർക്കെതിരെ വരും ദിവസങ്ങളിൽ നടപടിയുണ്ടാകുമെന്നാണ് സൂചന. മൂന്ന് ഡിവൈ.എസ്.പിമാരെയും രണ്ട് ഗ്രേഡ് എസ്.ഐമാരെയും സസ്പെൻഡ് ചെയ്യാൻ ആഭ്യന്തരമന്ത്രി ശുപാർശ ചെയ്തിട്ടുണ്ട്. ആലപ്പുഴയിലെ കേസ് അട്ടിമറിച്ചെന്ന കണ്ടെത്തലുള്ള എസ്.ഐ.ടി റിപ്പോർട്ട് ഡി.ജി.പി ആഭ്യന്തര സെക്രട്ടറിക്ക് കൈമാറുകയും, തുടർന്ന് ആഭ്യന്തരമന്ത്രിക്ക് റിപ്പോർട്ട് ലഭിച്ചതോടെയുമാണ് ഉന്നത ഉദ്യോഗസ്ഥർക്കെതിരെയടക്കം നടപടികൾ വേഗത്തിലാക്കിയത്.
Digital Evidence Traps MR Ajith Kumar; More Officers Face Action in Case Tampering
