വാഷിംഗ്ടൺ: കോളേജ് ഫുട്ബോളിലെ ഏറ്റവും ചരിത്രപ്രധാനമായ മത്സരങ്ങളിലൊന്നായ ആർമി-നേവി മത്സരത്തിൽ പ്രസിഡന്റ് ഡോണൾഡ് ട്രംപ് പങ്കെടുക്കുമെന്ന് ഔദ്യോഗിക വൃത്തങ്ങളെ ഉദ്ധരിച്ച് സിബിഎസ് ന്യൂസ് റിപ്പോർട്ട് ചെയ്തു.
ന്യൂജേഴ്സിയിലെ മെറ്റ്‌ലൈഫ് സ്റ്റേഡിയത്തിൽ ഡിസംബർ 12-നാണ് മത്സരം നടക്കുന്നത്. സ്റ്റേഡിയത്തിൽ നിരവധി സേനാംഗങ്ങളും വെറ്ററൻമാരും പങ്കെടുക്കുമെന്നാണ് പ്രതീക്ഷിക്കുന്നത്.
അമേരിക്കൻ സൈന്യത്തിന്‍റെ ആഭിമുഖ്യത്തിൽ നടക്കുന്ന മത്സരത്തിൽ മുൻകാലങ്ങളിലും ട്രംപ് സന്നിഹിതനായിരുന്നു. മറ്റ് കോളേജ് ഫുട്ബോൾ മത്സരങ്ങൾ ആ സമയത്ത് വരാത്ത രീതിയിൽ ഈ മത്സരത്തിന് പ്രത്യേക ടെലിവിഷൻ സംപ്രേക്ഷണ സമയം ഉറപ്പാക്കുന്നതിനുള്ള നടപടികളും ട്രംപ് സ്വീകരിച്ചിട്ടുണ്ട്.
മിഡ്‌ടേം തിരഞ്ഞെടുപ്പിലെ റിപ്പബ്ലിക്കൻ പാർട്ടിയുടെ വൻ പരാജയത്തിന് കാരണം ഇറാൻ യുദ്ധമാണെന്ന് ഉപരാഷ്ട്രപതി ജെ.ഡി. വാൻസ് ഉൾപ്പെടെയുള്ളവർ ആരോപിച്ച പശ്ചാത്തലത്തിലാണ് ട്രംപിന്റെ ഈ പ്രഖ്യാപനം വരുന്നത്. കൂടാതെ, പ്രതിരോധ സെക്രട്ടറി പിറ്റ് ഹെഗ്സെത്തിന്‍റെ തുടർച്ചയെക്കുറിച്ച് ട്രംപ് തന്‍റെ ഉപദേശകരുമായി ചർച്ചകൾ നടത്തിവരുന്നതായും റിപ്പോർട്ടുകളുണ്ട്.
