രാജ്യത്തെ ഏത് ബസിലും മെട്രോയിലും യാത്ര ചെയ്യാം ഇനി ടിക്കറ്റ് ഇല്ലാതെ; പുതിയ ട്രാൻസിറ്റ് കാർഡുമായി എസ്ബിഐ

ന്യൂഡൽഹി: ‘ഒരു രാജ്യം ഒരു കാർഡ്’ എന്ന ലക്ഷ്യത്തോടെ പുതിയ ട്രാൻസിറ്റ് കാർഡുമായി സ്റ്റേറ്റ് ബാങ്ക് ഓഫ് ഇന്ത്യ. ഓരോ തവണയും പണം മുടക്കാതെ രാജ്യത്താകമാനമുള്ള ഗതാഗത മാര്‍ഗങ്ങളില്‍ ഉപയോഗിക്കാവുന്ന ഒരൊറ്റ കാര്‍ഡ് എത്തുകയാണ്.

റോഡ്, റെയില്‍, ജലം എന്നിവയിലേത് മാര്‍ഗം വഴി യാത്ര ചെയ്താലും ഈ കാര്‍ഡ് ഉപയോഗപ്പെടുത്താം. റുപേ (RuPay) നാഷണല്‍ കോമണ്‍ മൊബിലിറ്റി കാര്‍ഡ് (NCMC) എന്നിവയുടെ സംയുക്ത പിന്തുണയോടെ രാജ്യത്തെ ആദ്യ ‘ട്രാന്‍സിറ്റ് കാര്‍ഡ്’ എസ്.ബി.ഐ പുറത്തിറക്കിയിട്ടുള്ളത്.

മുംബൈയില്‍ നടക്കുന്ന ഗ്ലോബല്‍ ഫിന്‍ടെക് ഫെസ്റ്റ് വേദിയില്‍ ആണ് കാര്‍ഡ് പുറത്തിറക്കിയത്. ഈ കാര്‍ഡ് ഉപയോഗിച്ച് റീറ്റെയ്ല്‍, ഇ-കൊമേഴ്‌സ് പേമെന്റുകളും നടത്താനാകും.

2019 മുതല്‍ എന്‍.സി.എം.സിയുമായി ചേര്‍ന്ന് സിറ്റി വണ്‍ കാര്‍ഡ്, നാഗ്പൂര്‍ മെട്രോ മഹാ കാര്‍ഡ്, മുംബൈ വണ്‍ കാര്‍ഡ്. ഗോ സ്മാര്‍ട്ട് കാര്‍ഡ്, സിംഗാര ചെന്നൈ കാര്‍ഡ് എന്നിങ്ങനെ വിവിധ കാര്‍ഡുകള്‍ പുറത്തിറക്കിയിട്ടുണ്ട് എസ്.ബി.ഐ. രാജ്യം മുഴുവന്‍ ഉപയോഗപ്പെടുത്താവുന്ന കാര്‍ഡുകള്‍ ലഭിക്കാൻ വിവിധ ഗതാഗത വകുപ്പുകൾ എൻ.സി.എം.സിയിൽ അംഗമാകണം. ഇത്തരത്തിൽ ബന്ധിപ്പിച്ചിട്ടുള്ള ഗതാഗത മാര്ഗങ്ങളിലായിരിക്കും കാർഡുകൾ ഉപയോഗപ്പെടുത്താൻ കഴിയുക.

More Stories from this section

dental-431-x-127
witywide