റഷ്യൻ പ്രസിഡന്റ് വ്ലാദിമിർ പുടിന്റെ ഡിസംബർ 4-5 തീയതികളിലെ ഇന്ത്യ സന്ദർശനത്തിന് മുന്നോടിയായി റഷ്യൻ നിലപാട് വ്യക്തമാക്കി ദിമിത്രി പെസ്കോവ് രംഗത്ത്. പ്രധാനമന്ത്രി നരേന്ദ്ര മോദിയുമായുള്ള ഉന്നതതല ചർച്ചകളിൽ പ്രതിരോധ ഇടപാടുകൾ അജണ്ടയുടെ കേന്ദ്രബിന്ദുവാകുമെന്നാണ് റഷ്യ പറയുന്നത്. 23-ാം ഇന്ത്യ-റഷ്യ അനുബന്ധ ഉച്ചകോടിയായ ഇവസന്ദർശനത്തിൽ കൂടുതൽ എസ്-400 വ്യോമപ്രതിരോധ സംവിധാനങ്ങൾ വാങ്ങുന്നതിനെക്കുറിച്ചും അഞ്ചാം തലമുറയിലെ സ്റ്റെൽത്ത് യുദ്ധവിമാനമായ എസ്യു-57ന്റെ സാങ്കേതികവിദ്യ പങ്കുവെക്കലും സംയുക്ത നിർമാണവും ചർച്ചാവിഷയമാകുമെന്ന് പെസ്കോവ് പറഞ്ഞു. റഷ്യൻ പ്രതിരോധ മന്ത്രി ആന്ദ്രേ ബെലൂസോവും വ്യവസായ പ്രതിനിധികളടങ്ങിയ ഡെലിഗേഷനും പുടിനെത്തംപോലെ സന്ദർശനത്തിൽ പങ്കെടുക്കുമെന്നും അറിയിച്ചു.
എസ്യു-57യെ ‘ലോകത്തിലെ ഏറ്റവും മികച്ച യുദ്ധവിമാനം’ എന്ന് വിശേഷിപ്പിച്ച പെസ്കോവ്, ഇന്ത്യയുമായുള്ള സാങ്കേതിക പങ്കുവെക്കൽ തുടങ്ങിയിട്ടുണ്ടെന്നും സംയുക്ത ഉൽപ്പാദനം ഉടൻ ആരംഭിക്കുമെന്നും അവകാശപ്പെട്ടു. ‘ഇന്ത്യൻ സുഹൃത്തുക്കൾക്ക് പങ്കുവെക്കാൻ കഴിയുന്നതെല്ലാം ഞങ്ങൾ പങ്കുവെക്കും’ എന്ന് അദ്ദേഹം അടിവരയിട്ടു. എസ്-400യുടെ അധിക യൂണിറ്റുകളുടെ വിതരണം, പ്രത്യേകിച്ച് ‘ഓപ്പറേഷൻ സിന്ദൂർ’യിലെ വിജയത്തിന് ശേഷം, ഇന്ത്യയുടെ വ്യോമപ്രതിരോധ ശേഷി വർധിപ്പിക്കുന്നതിനുള്ള നിർണായക ചർച്ചയാകുമെന്ന് റിപ്പോർട്ടുകൾ സൂചിപ്പിക്കുന്നു. ഈ ഇടപാടുകൾ പാശ്ചാത്യ ഉപരോധങ്ങൾക്കിടയിലും ഇന്ത്യ-റഷ്യ ബന്ധത്തിന്റെ ശക്തി തെളിയിക്കുമെന്നാണ് പ്രതീക്ഷ.
ചെറുതും ഇടത്തരം ആണവ റിയാക്ടറുകളുടെ നിർമാണത്തിലും സഹകരണത്തിലും ശ്രദ്ധ കേന്ദ്രീകരിക്കുമെന്ന് പെസ്കോവ് വ്യക്തമാക്കി. കുടങ്കുളം പോലുള്ള പദ്ധതികളുടെ തുടർച്ചയായി റഷ്യൻ സാങ്കേതികവിദ്യയും അനുഭവവും ഇന്ത്യയ്ക്ക് ലഭ്യമാക്കുമെന്നും അദ്ദേഹം കൂട്ടിച്ചേർത്തു. ചെറു മോഡുലാർ റിയാക്ടറുകളുടെ പുതിയ സൈറ്റുകളിലേക്കുള്ള വ്യാപനവും പരസ്പര നിക്ഷേപങ്ങളും ചർച്ചയാകുമെന്ന് സൂചനയുണ്ട്. ഈ സഹകരണം ഇന്ത്യയുടെ ഊർജ്ജ സുരക്ഷയ്ക്ക് നിർണായകമാണ്, പ്രത്യേകിച്ച് റഷ്യൻ ക്രൂഡ് ഓയിലിന്റെ വിതരണത്തിലും കുറഞ്ഞ വിലയിലും ഉയർന്ന വ്യാപാരത്തിലും (2024-25ൽ 70 ബില്യൺ ഡോളർ) ശ്രദ്ധ കേന്ദ്രീകരിച്ചാൽ.
ഉച്ചകോടിയിൽ സംയുക്ത പ്രസ്താവനയും വിവിധ വകുപ്പുകൾക്കിടയിലുള്ള, വ്യവസായ-സർക്കാർ കരാറുകളും ഒപ്പിടുമെന്ന് ക്രെമലിൻ അറിയിച്ചു. യുക്രൈൻ യുദ്ധം, ആഗോള സുരക്ഷാ വെല്ലുവിളികൾ, സ്പേസ്, സിവിൽ ഏവിയേഷൻ, ക്രിട്ടിക്കൽ മിനറലുകൾ തുടങ്ങിയ വിഷയങ്ങളും ചർച്ചാവിഷയമാകുമെങ്കിലും, പ്രതിരോധ-ഊർജ്ജ മേഖലകളാണ് പ്രധാനം. 2021ന് ശേഷമുള്ള പുടിന്റെ ആദ്യ ഇന്ത്യ സന്ദർശനമായ ഇത്, ഇന്ത്യയുടെ ‘സ്പെഷ്യൽ ആൻഡ് പ്രിവിലേജ്ഡ് സ്ട്രാറ്റജിക് പാർട്നർഷിപ്പ്’ ശക്തിപ്പെടുത്തുമെന്ന പ്രതീക്ഷയുണ്ട്.
