സംസ്ഥാനത്ത് താത്കാലിക ജീവനക്കാർക്ക് പൊലീസ് ക്ലിയറൻസ് സർട്ടിഫിക്കറ്റ് നിർബന്ധമാക്കി പൊതുവിദ്യാഭ്യാസ വകുപ്പ്. ജോലിയിൽ പ്രവേശിക്കുന്നതിന് മുൻപ് തന്നെ പൊലീസ് ക്ലിയറൻസ് സർട്ടിഫിക്കറ്റ് നിർബന്ധമാക്കുന്നതാണ് സർക്കുലർ. ബാങ്ക് അക്കൗണ്ടുമായി ബന്ധപ്പെട്ട വിവരങ്ങൾ താത്കാലിക ജീവനക്കാർ കൈകാര്യം ചെയ്യരുതെന്നും ഇത്തരം കാര്യങ്ങളിൽ താൽക്കാലിക ജീവനക്കാരെ ഉൾപ്പെടുത്തരുതെന്നും സർക്കുലറിൽ പറയുന്നു.
ബാങ്ക് അക്കൗണ്ടുമായി ബന്ധപ്പെട്ട വിവരങ്ങൾ സ്കൂളിലെ സ്ഥിരം ജീവനക്കാരോ മേലാധികരികളോ തന്നെ കൈകാര്യം ചെയ്യണമെന്നും സ്ഥാപന മേധാവിയുടെ ഫോൺ നമ്പർ തന്നെയായിരിക്കണം സ്ഥാപനത്തിന്റെ ബാങ്ക് അക്കൗണ്ടിൽ ലിങ്ക് ചെയ്യേണ്ടതെന്നും സർക്കുലറിൽ നിർദേശിക്കുന്നു. പൊതു വിദ്യാഭ്യാസ വകുപ്പിന് കീഴിലെ സ്കൂളുകൾക്കും ഓഫീസുകൾക്കും സർക്കുലർ ബാധകമാണ്.
Kerala general Education Department makes Police Clearance Certificate mandatory for temporary employees.
