ബിൽക്കിസ് ബാനോ കൂട്ടബലാത്സംഗക്കേസിൽ രണ്ട് പ്രതികൾക്ക് ജാമ്യം അനുവദിച്ച് സുപ്രീംകോടതി

ന്യൂഡൽഹി: 2002-ലെ ബിൽക്കിസ് ബാനോ കൂട്ടബലാത്സംഗ, കൊലപാതകക്കേസിൽ ജീവപര്യന്തം തടവിന് ശിക്ഷിക്കപ്പെട്ട രണ്ട് പ്രതികളുടെ ശിക്ഷ സുപ്രീംകോടതി മരവിപ്പിച്ചു. ഇരുവർക്കും കോടതി ജാമ്യം അനുവദിച്ചു. ജസ്റ്റിസുമാരായ എം.എം. സുന്ദരേഷ്, പ്രസന്ന ബി. വരാലെ എന്നിവരടങ്ങിയ ബെഞ്ചിന്റെ നടപടി. 17 വർഷത്തിലേറെയായി ജയിലിൽ കഴിയുന്ന പ്രതികളിൽ ഒരാളുടെ ശാരീരിക വൈകല്യവും ആരോഗ്യസ്ഥിതിയും പരിഗണിച്ചാണ് നടപടി.

സുപ്രീം കോടതിയിൽ പ്രതികൾക്കുവേണ്ടി ഹാജരായ മുതിർന്ന അഭിഭാഷകൻ സിദ്ധാർഥ് ലൂത്ര, ഇരുവരും 17 വർഷത്തിലേറെയായി തടവിൽ കഴിയുകയാണെന്ന് അറിയിച്ചു. ജയിലിൽ കഴിയുന്ന പ്രതികളിൽ ഒരാളുടെ പേര് എഫ്ഐആറിൽ ഉണ്ടായിരുന്നില്ലെന്നും മൂന്ന് വർഷത്തിന് ശേഷമാണ് ഇയാളെ കേസിൽ പ്രതി ചേർത്തതെന്നും അദ്ദേഹം ചൂണ്ടിക്കാട്ടി. മറ്റൊരു പ്രതിയുടെ ശാരീരിക വൈകല്യവും അഭിഭാഷകൻ കോടതിയുടെ ശ്രദ്ധയിൽപ്പെടുത്തി.

ബോംബെ ഹൈക്കോടതി 2017-ൽ പ്രതികളുടെ ജീവപര്യന്തം തടവുശിക്ഷ ശരിവെച്ചിരുന്നു. ഈ വിധിക്കെതിരേ സമർപ്പിച്ച അപ്പീലുകൾ പരിഗണിക്കവെയാണ് സുപ്രീംകോടതിയുടെ നടപടി. കേസിൽ ശിക്ഷിക്കപ്പെട്ട 11 പ്രതികളെ 2022 ഓഗസ്റ്റിൽ ഗുജറാത്ത് സർക്കാർ ശിക്ഷാകാലാവധി പൂർത്തിയാകുന്നതിന് മുമ്പ് മോചിപ്പിച്ചിരുന്നു. എന്നാൽ, ഈ നടപടി 2024-ൽ സുപ്രീംകോടതി റദ്ദാക്കിയിരുന്നു.

അതേസമയം, കേന്ദ്രസർക്കാരിനുവേണ്ടി ഹാജരായ അഡീഷണൽ സോളിസിറ്റർ ജനറൽ രാജാ താക്കറെ ജാമ്യാപേക്ഷയെ എതിർത്തു. കുറ്റകൃത്യത്തിന്റെ ഗൗരവം കണക്കിലെടുത്ത് വിചാരണക്കോടതിയും ഹൈക്കോടതിയും ലഭ്യമായ തെളിവുകളും രേഖകളും വിശദമായി പരിശോധിച്ച ശേഷമാണ് ശിക്ഷ വിധിച്ചതെന്നായിരുന്നു അദ്ദേഹത്തിന്റെ വാദം

Supreme Court grants bail to two accused in the Bilkis Bano gang-rape case.

More Stories from this section

family-dental
witywide