സംസ്ഥാനത്ത് വ്യാഴാഴ്ച മുതല് വ്യാപക മഴയ്ക്ക് സാധ്യതയെന്ന് കേന്ദ്ര കാലാവസ്ഥ മുന്നറിയിപ്പ്. 9 ജില്ലകളില് യെല്ലോ അലേര്ട്ട് പ്രഖ്യാപിച്ചു. ആലപ്പുഴ, കോട്ടയം, എറണാകുളം, ഇടുക്കി, തൃശൂര്, മലപ്പുറം, കോഴിക്കോട്, കണ്ണൂര്, കാസര്ഗോഡ് ജില്ലകളിലാണ് അലേര്ട്ട്. കേരളത്തില് അടുത്ത അഞ്ച് ദിവസം മിതമായ മഴയും ഇടിമിന്നലും തുടരാന് സാധ്യതയുണ്ട്.
സെപ്റ്റംബര് 28, 29 തീയതികളില് ഒറ്റപ്പെട്ട ശക്തമായ മഴക്കും സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു. ആന്ഡമാന് കടലില് വെള്ളിയാഴ്ചയോടെ ചക്രവാതച്ചുഴി രൂപപ്പെടും. പിന്നീട് ഇത് ശക്തി കൂടിയ ന്യൂനമര്ദമാകുമെന്നുമാണ് കാലാവസ്ഥാ വിഭാഗം മുന്നറിയിപ്പ് നല്കുന്നത്.
തെക്ക് കിഴക്കന് ഉത്തര്പ്രദേശിന് മുകളില് ചക്രവാതചുഴി സ്ഥിതി ചെയ്യുന്നു. തെക്കന് ഛത്തീസ്ഗഡിന് മുകളിലും ചക്രവാതചുഴി സ്ഥിതി ചെയ്യുന്നുണ്ട്. തീരദേശ തമിഴ്നാടിന് മുകളില് മറ്റൊരു ചക്രവാതചുഴിയും സ്ഥിതി ചെയ്യുന്നു. വടക്കന് ഒഡിഷക്കു മുകളിലും ചക്രവാതചുഴി സ്ഥിതി ചെയ്യുന്നുണ്ട്. ഇതിനൊപ്പം ബംഗാള് ഉള്ക്കടല് ന്യൂനമര്ദ്ദ സാധ്യതയുമുണ്ട്. സെപ്റ്റംബര് 29 ഓടെ വടക്കന് ആന്ഡമാന് കടലിനു മുകളില് പുതിയ ചക്രവാതചുഴി രൂപപ്പെടാനും സാധ്യതയുണ്ട്.
