ധാക്ക: ബംഗ്ലാദേശിന്റെ വടക്കന് മേഖലയില് നിന്നുള്ള യുവ ട്രാന്സ്ജെന്ഡര് അനോവര ഇസ്ലാം റാണി തന്റെ തിരഞ്ഞെടുപ്പ് രാഷ്ട്രീയത്തിലേക്ക് പ്രവേശിക്കുമ്പോള് അത് ചരിത്രം കുറിക്കുന്നു. ഇത് രാജ്യത്തെ പ്രതിരോധത്തിന്റെയും മാറ്റത്തിന്റെയും പ്രതീകമാണ്.
രാജ്യത്തിന്റെ വടക്കന് മേഖലയിലെ രംഗ്പൂര്-3 നിയോജക മണ്ഡലത്തില് നിന്നാണ് റാണി മത്സരിക്കുക.
രജിസ്റ്റര് ചെയ്ത 849 ട്രാന്സ്ജെന്ഡര് വോട്ടര്മാരുള്ള, രാംഗ്പൂര്-3 മണ്ഡലത്തിലെ റാണിയുടെ സ്ഥാനാര്ത്ഥിത്വം രാജ്യത്തിന്റെ വികസിച്ചുകൊണ്ടിരിക്കുന്ന രാഷ്ട്രീയ ഭൂപ്രകൃതിയുടെ മൂര്ത്തീഭാവമാണ്.
ബംഗ്ലാദേശിന്റെ 12-ാമത് പൊതുതെരഞ്ഞെടുപ്പ് നാളെ നടക്കും.
മുന് പ്രധാനമന്ത്രി ഖാലിദ സിയയുടെ നേതൃത്വത്തിലുള്ള രാജ്യത്തെ പ്രധാന പ്രതിപക്ഷ പാര്ട്ടിയായ ബംഗ്ലാദേശ് നാഷണലിസ്റ്റ് പാര്ട്ടി (ബിഎന്പി) അക്രമങ്ങള്ക്കിടയില് തിരഞ്ഞെടുപ്പ് ബഹിഷ്കരിക്കുകയും ‘നിയമവിരുദ്ധ സര്ക്കാരിനെതിരെ’ 48 മണിക്കൂര് രാജ്യവ്യാപകമായി സമരം ആരംഭിക്കുകയും ചെയ്തു.
തിരഞ്ഞെടുപ്പ് നടത്താന് ഇടക്കാല പാര്ട്ടി ഇതര നിഷ്പക്ഷ സര്ക്കാര് വേണമെന്നാണ് ബിഎന്പി ആവശ്യപ്പെടുന്നത്. എന്നാല്, ഭരണകക്ഷിയായ അവാമി ലീഗിന്റെ അധ്യക്ഷന് കൂടിയായ പ്രധാനമന്ത്രി ഷെയ്ഖ് ഹസീനയുടെ നേതൃത്വത്തിലുള്ള സര്ക്കാര് ഈ ആവശ്യം നിരസിച്ചു.
ക്രമസമാധാനവും പാലനത്തിനായി ആര്മി സൈനികര് ഉള്പ്പെടെ 800,000-ലധികം നിയമപാലകരെ വിന്യസിച്ചിട്ടുണ്ട്. പ്രധാനമന്ത്രിയുടെ ഓഫീസ് ഒരേസമയം 3,000 എക്സിക്യൂട്ടീവ്, ജുഡീഷ്യല് മജിസ്ട്രേറ്റുമാരെ തെരഞ്ഞെടുപ്പിന്റെ സുഗമമായ നടത്തിപ്പ് ഉറപ്പാക്കാന് നിയോഗിച്ചു.
