ഇറാന്-ഇസ്രയേല് സംഘര്ഷം അതിരൂക്ഷമായി പശ്ചിമേഷ്യയിൽ തുടരുന്നു. സംഘർഷം തുടങ്ങി ആറാം നാൾ ആയെങ്കിലും ശക്തമായ മിസൈലാക്രമണമാണ് കഴിഞ്ഞ മണിക്കൂറുകളില് ഇരുരാജ്യങ്ങളും നടത്തിയെന്നാണ് റിപ്പോര്ട്ടുകള്. കഴിഞ്ഞ ദിവസം ഇസ്രയേല് ഇറാന് ദേശീയ ടെലിവിഷന് ആസ്ഥാനത്തിലും ടെഹ്റാനിലെ വിവിധയിടങ്ങളിലും കനത്ത ആക്രണം നടത്തി. ഇന്നലെ മാത്രം ഇറാനില് 45 പേരാണ് കൊല്ലപ്പെട്ടു. ഇസ്രയേലിലെ ടെല് അവീവ്, പിറ്റാഹ് തിക്വ, ഹൈഫ തുടങ്ങിയ നഗരങ്ങളിലേക്ക് ഇറാന് ബാലിസ്റ്റിക് മിസൈലുകള് അയച്ചു. ഇസ്രയേല് വ്യോമപ്രതിരോധ സംവിധാനമായ അയണ് ഡോമിന് ടെല് അവീവ് ഉള്പ്പെടെ ലക്ഷ്യമിട്ട് മിസൈല് വര്ഷം തടയാനായില്ലെന്ന് ഇറാനുമായി ബന്ധപ്പെട്ട കേന്ദ്രങ്ങള് അവകാശപ്പെട്ടു.
അതേസമയം, ഇസ്രയേല് പ്രതിരോധ സേന ടെഹ്റാന് ലക്ഷ്യമിട്ട് പുതിയ ആക്രമണത്തിന് തയ്യാറെടുക്കുന്നതായും റിപ്പോർട്ടുണ്ട്. ഹൈഫയിലും ടെല് അവീവിലുമുള്ള ജനങ്ങളോട് ഒഴിഞ്ഞുപോകാന് ഇറാന് സൈനിക മേധാവി മുന്നറിയിപ്പ് നല്കി. ടെല് അവീവിലെ മൊസാദ് കേന്ദ്രം ആക്രമിച്ചെന്നും ഇറാന് അവകാശപ്പെടുന്നു. അമേരിക്കയില് നിന്നും ബങ്കര് ബസ്റ്റര് ബോംബുകള് ഇസ്രയേല് ആവശ്യപ്പെട്ടെന്നും അന്താരാഷ്ട്ര മാധ്യമങ്ങള് റിപ്പോര്ട്ട് ചെയ്തിട്ടുണ്ട്. ടെഹ്റാനില് ഇസ്രയേലിന്റെ ആക്രമണങ്ങള് തുടരുന്നുവെന്നാണ് ഇസ്രയേലിന്റെ അവകാശവാദം. ഇസ്രയേലിനെതിരെയുള്ള പോരാട്ടത്തില് ഇറാനെ പിന്തുണയ്ക്കുമെന്ന് ഹൂതികള് അറിയിച്ചു. ബിട്ടനും അമേരിക്കയും കൂടുതല് യുദ്ധവിമാനങ്ങള് പശ്ചിമേഷ്യയിലേക്ക് അയച്ചെന്നും റിപ്പോര്ട്ടുകളുണ്ട്.
