കോഴിക്കോട്: ആരാധനാലയങ്ങളില് പുരുഷന്മാര് മേല്വസ്ത്രം ഊരി പ്രവേശിക്കണമെന്ന നിബന്ധനയില് പ്രതികരിച്ച് മന്ത്രി കെ.ബി.ഗണേഷ് കുമാര്. ആചാരങ്ങള് പാലിക്കാന് കഴിയുന്നവര് ക്ഷേത്രത്തില് പോയാല് മതിയെന്നാണ് മന്ത്രിയുടെ ഭാഗം. ക്ഷേത്ര ദര്ശനവുമായി ബന്ധപ്പെട്ട് മുഖ്യമന്ത്രി പിണറായി വിജയന്റെ പ്രസ്താവനയോട് പ്രതികരിക്കുകയായിരുന്നു ഗണേഷ് കുമാര്.
ആരാധനാലയങ്ങളില് പുരുഷന്മാര് മേല്വസ്ത്രം ഊരി പ്രവേശിക്കണമെന്ന നിബന്ധനയില് കാലാനുസൃതമായി മാറ്റംവരണമെന്ന ശ്രീനാരായണ ധര്മസംഘം ട്രസ്റ്റ് പ്രസിഡന്റ് സ്വാമി സച്ചിദാനന്ദയുടെ അഭിപ്രായത്തെ ശിവഗിരി തീര്ഥാടന മഹാസമ്മേളനം ഉദ്ഘാടനം ചെയ്യവേ മുഖ്യമന്ത്രി പിണറായി വിജയന് പിന്തുണച്ചിരുന്നു.
ഓരോ ക്ഷേത്രത്തിലും ഓരോ ആചാരമുണ്ട്. അതില് മാറ്റം വരുത്തണോയെന്ന് തന്ത്രിയാണ് തീരുമാനിക്കേണ്ടത്. ആചാരങ്ങളുമായി ബന്ധപ്പെട്ട് ഭരണാധികാരികള്ക്ക് എന്തെങ്കിലും നിര്ദേശമുണ്ടെങ്കില് തന്ത്രിയുമായി ആലോചിക്കാമെന്നും അദ്ദേഹം പറഞ്ഞു.
