മലയാളസിനിമയുടെ ഹാസ്യസാമ്രാട്ട് സലിം കുമാറിന് വിട നല്കാന് സാംസ്കാരിക കേരളം. കൊച്ചി അമൃത ആശുപത്രിയില് ചികിത്സയിലിരിക്കെ ഇന്നലെ രാത്രി 10.43 നായിരുന്നു മലയാളത്തിന്റെ പ്രിയതാരം സലിംകുമാറിന്റെ അന്ത്യം. അവശതകളെ തുടര്ന്ന് ഇന്നലെ രാവിലെയാണ് ആശുപത്രിയില് പ്രവേശിപ്പിച്ചത്. രാവിലെ എട്ട് മണിയോടെ മൃതദേഹം ബന്ധുക്കള്ക്ക് വിട്ടു നല്കും. വൈകിട്ട് പറവൂരിലെ വീട്ടുവളപ്പിലാണ് സംസ്കാരം. രാവിലെ ഒന്പത് മണി മുതല് ഒരു മണിവരെയാണ് പറവൂര് ടൗണ് ഹാളില് പൊതുദര്ശനം. സംസ്കാരചടങ്ങുകളില് മുഖ്യമന്ത്രിയും മന്ത്രിമാരുംപങ്കെടുക്കും.
അസുഖബാധിതനായിരുന്നെങ്കിലും പൊതുപരിപാടികളില് സലിം കുമാര് പങ്കെടുത്തിരുന്നു. വി.ഡി. സതീശന് മുഖ്യമന്ത്രിയായതിനു പിന്നാലെ പറവൂര് മണ്ഡലത്തില് നടത്തിയ സ്വീകരണയോഗത്തില് പങ്കെടുത്ത് ആശംസകളറിയിച്ചിരുന്നു. മിമിക്രിയുടെ ലോകത്തു നിന്നും വെള്ളിത്തിരയിലേക്ക് കടന്ന സലിം കുമാര് വാക്ചാതുരി കൊണ്ടും സവിശേഷമായ ശരീരഭാഷ കൊണ്ടും നിരവധി കഥാപാത്രങ്ങളാണ് സമ്മാനിച്ചത്. ഒരേസമയം പൊട്ടിച്ചിരിപ്പിക്കുകയും കരുത്തുറ്റ സ്വഭാവനടന് എന്ന നിലയില് പ്രേക്ഷകരെ വിസ്മയിപ്പിക്കുകയും ചെയ്ത അതുല്യ അഭിനയപ്രതിഭയായിരുന്നു സലിം കുമാര്.
സലിം അഹമ്മദിന്റെ ആദാമിന്റെ മകൻ അബുവിലെ വൃദ്ധനായ അത്തർ വിൽപ്പനക്കാരന്റെ വേഷം 2010-ലെ മികച്ച നടനുള്ള ദേശീയ പുരസ്കാരവും സംസ്ഥാന പുരസ്കാരവും സ്വന്തമാക്കി. അഭിനയത്തിന് പുറമെ ചലച്ചിത്ര സംവിധാനത്തിലും സലിംകുമാർ പ്രതിഭ തെളിയിച്ചു. ‘കറുത്ത ജൂതന് 2016-ലെ മികച്ച കഥയ്ക്കുള്ള കേരള സംസ്ഥാന ചലച്ചിത്ര പുരസ്കാരം ലഭിച്ചു. ‘കമ്പാർട്ട്മെന്റ്’, ‘ദൈവമേ കൈതൊഴാം കെ. കുമാറാകണം’ എന്നീ ചിത്രങ്ങളും സലിംകുമാർ സംവിധാനം ചെയ്തു. ‘ഈശ്വരാ വഴക്കില്ലല്ലോ’ എന്ന പേരിൽ ആത്മകഥാപരമായ കുറിപ്പുകളും രചിച്ചു. ഭാര്യ:സുനിത. മക്കൾ: ചന്തു, ആരോമൽ.
Farewell to comedy king Salim Kumar; Funeral at his home in Vilavur, public viewing open until noon
