രാജ്യത്ത് നിന്ന് ആഡംബര കാർ ബ്രാൻഡായ വോൾവോ ഇന്ത്യ തങ്ങളുടെ ഫ്ലാഗ്ഷിപ്പ് സെഡാനായ S90 പിൻവലിച്ചു. ഇന്ത്യൻ വെബ്സൈറ്റിൽ 2021 മുതൽ വിൽപ്പനയ്ക്കെത്തിയ ഇ-ക്ലാസ്, 5 സീരീസ് എതിരാളികൾ ഇനി ലഭ്യമല്ല എന്നാണ് റിപ്പോട്ടുകൾ. വോൾവോ ലൈനപ്പിൽ ഇപ്പോൾ XC60, XC90, EC40, EX40 എന്നിങ്ങനെ നാല് ഹൈ-റൈഡിംഗ് ഓഫറുകൾ ഉൾപ്പെടുന്നു. കമ്പനി 2025 അവസാനത്തോടെ ഇന്ത്യയിൽ പൂർണ്ണ-ഇലക്ട്രിക് EX30 എസ്യുവി പുറത്തിറക്കാൻ ഒരുങ്ങുകയാണെന്നും റിപ്പോട്ടുകൾ ഉണ്ട്. ഈ മോഡലിന്റെ പ്രാദേശിക അസംബ്ലിംഗും പരിഗണിക്കുന്നുണ്ടെന്നും അടുത്ത വർഷം ഫ്ലാഗ്ഷിപ്പ് പൂർണ്ണ-ഇലക്ട്രിക് എസ്യുവി EX90 പുറത്തിറക്കുമെന്നുമാണ് റിപ്പോർട്ടുകൾ.
ഇടത്തരം വലിപ്പമുള്ള എക്സിക്യൂട്ടീവ് സെഡാനാണ് വോൾവോ S90. ആദ്യമായി 2016 ൽ ആണ് ഈ മോഡൽ എത്തുന്നത്. അന്താരാഷ്ട്ര വിൽപ്പന ആരംഭിച്ചതിന് തൊട്ടുപിന്നാലെ ഇത് ഇന്ത്യയിലും എത്തി. ബെംഗളൂരുവിനടുത്തുള്ള ഹോസ്കോട്ടെ പ്ലാന്റിൽ ഇന്ത്യയിൽ തന്നെ അസംബിൾ ചെയ്യുകയായിരുന്നു ഈ കാർ. അന്താരാഷ്ട്രതലത്തിൽ, ശക്തമായ ഒരു ഹൈബ്രിഡും റീചാർജ് (ഇലക്ട്രിക്) ഡെറിവേറ്റീവും ഉപയോഗിച്ച് S90 ലഭ്യമായിരുന്നു. ജർമ്മനി, യുകെ, ഫ്രാൻസ്, ഇറ്റലി തുടങ്ങിയ നിരവധി യൂറോപ്യൻ വിപണികളിൽ ഈ കാർ ഇതിനകം നിർത്തലാക്കിയിട്ടുണ്ട്.
വോൾവോ XC90 ന് സമാനമായി, S90 നും ഏതാനും മാസങ്ങൾക്ക് മുമ്പ് സമഗ്രമായ ഒരു ഫെയ്സ്ലിഫ്റ്റ് ലഭിച്ചിരുന്നു. ആദ്യ തലമുറയിലെ എക്സിക്യൂട്ടീവ് സെഡാൻ ലഭിച്ച രണ്ടാമത്തെ അപ്ഡേറ്റാണിത്. ഇത് ആദ്യം ചൈനയിൽ വിൽപ്പനയ്ക്കെത്തും. വലിയ സ്ക്രീൻ, പുതിയ ഗ്രിൽ, സ്ലീക്കർ ഹെഡ്ലാമ്പുകൾ, ടെയിൽലാമ്പുകൾ, ADAS, അപ്ഡേറ്റിന്റെ ഭാഗമായി അൽപ്പം പരിഷ്ക്കരിച്ച ക്യാബിൻ എന്നിവയ്ക്കൊപ്പം, S90 ഫെയ്സ്ലിഫ്റ്റിനും പരിഷ്ക്കരിച്ച പവർട്രെയിൻ ചോയ്സ് ലഭിച്ചു. ആഗോള വിൽപ്പന ആരംഭിച്ചുകഴിഞ്ഞാൽ, പുതുക്കിയ S90 ഫെയ്സ്ലിഫ്റ്റ് 2026ൽ ഇന്ത്യൻ വിപണിയിലും എത്തുമെന്നാണ് പ്രതീക്ഷ.
