ഗ്യാനേഷ് കുമാർ രാജിവെച്ച് പോകുന്നത് വരെ പോരാട്ടം തുടരുമെന്നും രാജി മാത്രം പോരെന്നും ക്രിമിനൽ കുറ്റമാണ് ചെയ്തിരിക്കുന്നതെന്നും എഐസിസിസി ജനറൽ സെക്രട്ടറി കെ സി വേണുഗോപാൽ. അദ്ദേഹത്തെ അറസ്റ്റ് ചെയ്യണം. എടുത്ത നടപടികളെല്ലാം എസ്ഐആർ അടക്കമുള്ളവ പിൻവലിക്കണം. സ്വാതന്ത്ര്യാനന്തര ഇന്ത്യ കണ്ട സമാനതകളിലാത്ത പോരാട്ടമാണ് ഇപ്പോൾ നടന്നുകൊണ്ടിരിക്കുന്നതെന്നും കെ സി വേണുഗോപാൽ വ്യക്തമാക്കി.
ആരെ വേണമെങ്കിലും ഒഴിവാക്കാനും കൂട്ടി ചേർക്കാനും ഗ്യാനേഷ്കുമാറിന് കഴിയുന്നു. അപമാനമാണ് അദ്ദേഹം. നിയമവിരുദ്ധമായ കാര്യങ്ങൾ ഇന്ത്യയിലെ ഇലക്ഷൻ സംവിധാനത്തിൽ നടക്കുന്നു എന്നതാണ് ഏറ്റവും ഞെട്ടിപ്പിക്കുന്ന വിവരം. ഇതിലും വലിയ രാഷ്ട്രീയ ഭൂകമ്പം ഈ അടുത്തകാലത്തായി ഉണ്ടാകാനിടയില്ല.
ഇന്ന് പതിനായിര കണക്കിന് ആളുകളെ അണിനിരത്തിയുള്ള രാജ്യവ്യാപക പ്രതിഷേധമാണ്. ഇനി വരും ദിവസങ്ങളിലും പ്രതിഷേധം ഉണ്ടാകും. 2024 ലെ പാർലമെൻറ്റ് തിരഞ്ഞെടുപ്പിൽ ബിജെപി ജയിച്ചതല്ല മറിച്ച് കൃത്രിമത്വം കാണിച്ച് വിജയിച്ചതാണ്, ഇതിന് കൂട്ടുനിന്ന ഏറ്റവും വലിയ ക്രിമിനലാണ് ഗ്യാനേഷ് കുമാറെന്നും കെ സി വേണുഗോപാൽ കൂട്ടിച്ചേർത്തു.
Resignation alone is not enough; Gyanesh Kumar must be arrested, says K.C. Venugopal.
