നയപ്രഖ്യാപനത്തിൽ മുല്ലപ്പെരിയാറിൽ പുതിയ ഡാം നിർമാണം അനുവദിക്കില്ലെന്ന് തമിഴ്നാട് സർക്കാർ. അറ്റകുറ്റപ്പണികളുമായി മുന്നോട്ടു പോകുമെന്നും പുതിയ അണക്കെട്ട് അനുവദിക്കില്ലെന്നും കേരള സർക്കാരിന്റെ ശ്രമങ്ങൾ തടയുമെന്നും നയപ്രഖ്യാപനത്തിൽ വ്യക്തമാക്കുന്നു. പുതിയ അംഗങ്ങളെ അഭിനന്ദിച്ചാണ് ഗവർണർ നയപ്രഖ്യാപന പ്രസംഗം ആരംഭിച്ചത്. നയ പ്രഖ്യാപനത്തിൽ ഡിഎംകെയ്ക്കെതിരെയും ഗവര്ണര് വിമര്ശനമുന്നയിച്ചു.
തമിഴ്നാട്ടിൽ മുൻസർക്കാർ ലഹരിയൊഴുക്ക് തടഞ്ഞില്ല. കുറ്റകൃത്യങ്ങൾ പെരുകാൻ കാരണം ലഹരിയൊഴുക്ക്. ദ്വിഭാഷനയം തുടരും. ടിവികെ ജാതിക്കും മതത്തിനും പണത്തിനും അതീതമായ പാർട്ടി എന്ന് വ്യക്തമാക്കിയ ഗവർണർ പെരിയാർ, അണ്ണാദുരൈ, അംബേദ്കർ എന്നിവരുടെ പേരുകള് പ്രസംഗത്തിൽ പരാമര്ശിച്ചു. കേന്ദ്രത്തിനെതിരായ വിമർശനം ഗവർണർ വായിക്കുകയും ചെയ്തു.
ത്രിഭാഷനയവുമായി കേന്ദ്രവിഹിതത്തെ ബന്ധിപ്പിക്കുന്നത് അംഗീകരിക്കില്ലെന്നും സംസ്ഥാനത്തെ ബാധിക്കുന്ന വിഷയങ്ങളിൽ ദ്രാവിഡ പാർട്ടികളുടെ നിലപാട് തന്നെയാണെന്നും സര്ക്കാര് വ്യക്തമാക്കി. അതേസമയം, കീഴ്വഴക്കം പിന്തുടർന്നാണ് വിജയ് സർക്കാർ നടപടികള് ആരംഭിച്ചത്. ആദ്യം തമിഴ് തായ് വാഴ്ത്താണ് ആലപിച്ചത്. പിന്നാലെ ദേശീയഗാനം ആലപിച്ചു. ചടങ്ങിൽ വന്ദേമാതരം ആലപിച്ചില്ല.
Tamil Nadu government announces policy that no new dam will be allowed in Mullaperiyar; will move forward with repairs
