മുഖ്യമന്ത്രി വി ഡി സതീശന്റെ ചിത്രവും സംസ്ഥാന സര്ക്കാരിന്റെ ഔദ്യോഗിക ചിഹ്നവും ഉപയോഗിച്ച് സാമൂഹിക മാധ്യമം വഴി സാമ്പത്തിക തട്ടിപ്പിന് ശ്രമം. ജന് ധന് യോജന പദ്ധതി വഴി 5000 രൂപ ബാങ്ക് അക്കൗണ്ടിലേക്കെത്തും എന്ന് പ്രചരിപ്പിച്ചാണ് തട്ടിപ്പ്. 5000 രൂപ അക്കൗണ്ടിലേക്ക് ലഭിക്കും എന്ന ഉറപ്പില് ലിങ്ക് ക്ലിക്ക് ചെയ്ത് ബാങ്ക് അക്കൗണ്ട് ഡീറ്റെയില്സ് നല്കിയാല് തട്ടിപ്പിന് ഇരയാകും.
2014 ഇല് കേന്ദ്ര സര്ക്കാര് ആവിഷ്കരിച്ച പദ്ധതിയാണ് ജന് ധന് യോജന. പദ്ധതി പ്രകാരം ഓരോ പൗരനും 500 രൂപ അക്കൗണ്ടുകളില് ലഭിക്കുമെന്നാണ് തട്ടിപ്പ് വീഡിയോയില് പറയുന്നത്. ഇതിനായി ലിങ്കില് ക്ലിക്ക് ചെയ്യാനാണ് ആവശ്യപ്പെടുന്നത്. ലിങ്കില് ക്ലിക്ക് ചെയ്താല് സര്ക്കാരിന്റെ ഔദ്യോഗിക ചിഹ്നവും മുഖ്യമന്ത്രിയുടെ ചിത്രങ്ങളും വരും. ഇതില് വിവരങ്ങള് കൊടുത്താല് ഒരു സ്ക്രാച്ച് ആന്റ് വിന് കൂപ്പണ് വരും.
ഇതില് പ്രസ് ചെയ്താല് തുക അക്കൗണ്ടിലേക്ക് വരുമെന്ന നോട്ടിഫിക്കേഷന് വരും. ഒപ്പം ബാങ്ക് അക്കൗണ്ട് വിവരങ്ങളും ആവശ്യപ്പട്ടാണ് തട്ടിപ്പിന് ശ്രമിക്കുന്നത്. അതേസമയം, കേന്ദ്ര ധനമന്ത്രി നിര്മല സീതാരാമന്റെ ചിത്രങ്ങള് ഉപയോഗിച്ചും കുറച്ച് ദിവസങ്ങള്ക്ക് മുന്പ് സമാനമായ തട്ടിപ്പിന് ശ്രമം നടന്നിരുന്നു.
Cybercriminals are using the official government emblem and the photograph of the Chief Minister of Kerala to Attempt to commit financial fraud
